1Ch 27 | NdeIBE | STEP | Nantu uluhlu lwabako-Israyeli – izinhloko zezimuli, abalawuli bezinkulungwane labalawuli bamakhulu, ababesebenzela inkosi kulokho okuqondane lamaviyo empi ayefanele ukuzophisana ngenyanga kuze kuyephela umnyaka. Iviyo lilinye lalilamadoda ayizinkulungwane ezingamatshumi amabili lane.

1 Chronicles 27

Amaviyo Empi

1 Nantu uluhlu lwabako-Israyeli – izinhloko zezimuli, abalawuli bezinkulungwane labalawuli bamakhulu, ababesebenzela inkosi kulokho okuqondane lamaviyo empi ayefanele ukuzophisana ngenyanga kuze kuyephela umnyaka. Iviyo lilinye lalilamadoda ayizinkulungwane ezingamatshumi amabili lane.

2 Owayephethe iviyo lakuqala, ngenyanga yakuqala, kwakunguJashobheyamu indodana kaZabidiyeli. Kwakulamadoda ayizinkulungwane ezingamatshumi amabili lane esigabeni sakhe. 3 Yena wayengowosendo lukaPherezi njalo eyinduna yezikhulu zonke zamabutho okwenyanga yakuqala.

4 Owayephethe iviyo ngenyanga yesibili kwakunguDodayi wako-Ahohi; uMikhilothi engumkhokheli weviyo lakhe. Kwakulamadoda ayizinkulungwane ezingamatshumi amabili lane eviyweni lakhe.

5 Umlawuli wamabutho wesithathu, kungokwenyanga yesithathu, kwakunguBhenayiya indodana kaJehoyada umphristi. Wayeyinduna, njalo esigabeni sakhe kwakulamadoda ayizinkulungwane ezingamatshumi amabili lane. 6 Nguyenalo uBhenayiya owayeliqhawe phakathi kwama-Tshumi amaThathu njalo eyinduna yamaTshumi amaThathu. Indodana yakhe u-Amizabhadi yayiphethe iviyo lakhe.

7 Owesine, owezopho lenyanga yesine, kwakungu-Asaheli umfowabo kaJowabi; indodana yakhe uZebhadiya wasala ese-thatha isikhundla sakhe. Kwakulamadoda ayizinkulungwane ezingamatshumi amabili lane eviyweni lakhe.

8 Owesihlanu, owezopho lenyanga yesihlanu, kwakungumlawuli uShamihuthi owako-Izihari. Kwakulamadoda ayizinkulungwane ezingamatshumi amabili lane eviyweni lakhe.

9 Owesithupha, owezopho lenyanga yesithupha, kwakungu-Ira indodana ka-Ikheshi waseThekhowa. Kwakulamadoda ayizinkulungwane ezingamatshumi amabili lane eviyweni lakhe.

10 Owesikhombisa, owezopho lenyanga yesikhombisa, kwakunguHelezi u-mPheloni, owako-Efrayimi. Kwakulamadoda ayizinkulungwane ezingamatshumi amabili lane eviyweni lakhe.

11 Owesificamibili, owezopho lenyanga yesificamibili, kwakunguSibhekhayi umHushathi wakoZerahi. Kwakulamadoda ayizinkulungwane ezingamatshumi amabili lane eviyweni lakhe.

12 Owesificamunye, owezopho lesificamunye, kwakungu-Abhiyezeri um-Anathothi owakoBhenjamini. Kwakulamadoda ayizinkulungwane ezingamatshumi amabili lane eviyweni lakhe.

13 Owetshumi, owezopho lenyanga yetshumi, kwakunguMaharayi umNethofathi wakoZerahi. Kwakulamadoda ayizinkulungwane ezingamatshumi amabili lane eviyweni lakhe.

14 Owetshumi lanye, owezopho lenyanga yetshumi lanye, kwakunguBhenayiya umPhirathoni wako-Efrayimi. Kwakulamadoda ayizinkulungwane ezingamatshumi amabili lane eviyweni lakhe.

15 Owetshumi lambili, owezopho lenyanga yetshumi lambili, kwakunguHelidayi umNethofathi, owemuli ka-Othiniyeli. Kwakulamadoda ayizinkulungwane ezingamatshumi amabili lane eviyweni lakhe.

Izikhulu Zezizwana

16 Izikhulu ezizwaneni zako-Israyeli yilezi: KwabakoRubheni: ngu-Eliyezeri indodana kaZikhiri; kwabakoSimeyoni, nguShabhiya indodana kaMahakha;

17 kwabakoLevi: nguHashabhiya indodana kaKhemuweli; kwabako-Aroni: nguZadoki;

18 kwabakoJuda: ngu-Elihu, umfowabo kaDavida; kwabaka-Isakhari: ngu-Omiri indodana kaMikhayeli;

19 kwabakoZebhuluni: ngu-Ishimaya indodana ka-Obhadiya; kwabakoNafthali: nguJerimothi indodana ka-Aziriyeli

20 kwabako-Efrayimi: nguHosheya indodana ka-Azaziya; kwabayingxenye yesizwana sikaManase: nguJoweli indodana kaPhedaya;

21 kwabayingxenye yesizwana sikaManase eGileyadi: ngu-Ido indodana kaZekhariya; kwabakoBhenjamini: nguJahasiyeli indodana ka-Abhineri;

22 kwabakoDani: ngu-Azareli indodana kaJeroshamu. Laba babeyizikhulu ezizwaneni zako-Israyeli.

23 UDavida kazange abhale phansi inani lamadoda ayeleminyaka engamatshumi amabili lababengaphansi kwaleyo, ngoba uJehova wayethembise ukuthi wayezakwandisa u-Israyeli abe njengezinkanyezi emkhathini.

24 UJowabi indodana kaZeruya waqalisa ukubala amadoda kodwa kaqedanga. Ulaka lwehlela u-Israyeli ngenxa yalokho kubalwa ngakho inani lelo alibhalwanga encwadini yezindaba zeNkosi uDavida.

Abacebisi BeNkosi

25 U-Azimavethi indodana ka-Adiyeli wayephethe iziphala zesikhosini. UJonathani indodana ka-Uziya wayephethe iziphala emaphandleni ezabelweni, emadolobheni, emizini kanye lasezilindweni.

26 U-Eziri indodana ka-Khelubi wayephethe izisebenzi emaphandleni ezazilima amasimu.

27 UShimeyi umRamathi wayephethe izivini. UZabhidi waseShefama wayephethe izithelo zezivini zokwenza iwayini.

28 UBhali-Hanani umGederi wayephethe izihlahla zama-oliva lomkhiwane wesikhamore emawatheni ezintatshana zasentshonalanga. UJowashi wayephethe amafutha e-oliva.

29 UShithirayi umSharoni wayephethe imihlambi eyayisemadlelweni aseSharoni. UShafathi indodana ka-Adilayi, wayephethe imihlambi ezihotsheni.

30 U-Obhili owako-Ishmayeli wayephethe amakamela, uJehideya owakoMeronothi ephethe ezabobabhemi.

31 UJazizi umHagiri wayephethe ezemihlambi yezimvu. Bonke laba babeyizikhulu ezaziphethe izimpahla zenkosi uDavida.

32 UJonathani, isihlobo sikaDavida, wayengumcebisi, indoda ehlakaniphileyo njalo engumbhali. UJehiyeli indodana kaHakhimoni wayephethe amadodana enkosi.

33 U-Ahithofeli wayengumcebisi wenkosi. UHushayi owako-Arikhi wayengumngane wenkosi.

34 UJehoyada indodana kaBhenayiya nguye owathatha isikhundla sika-Ahothofeli kwalandela u-Abhiyathari. UJowabi wayengumlawuli webutho lenkosi.